Friday, November 20, 2015

La komencaj novaĵoj en la 498-a E-elsendo ĉe www.pola-retradio.org rilatas al la enĵuroficigo de la pola registaro kaj situacio post la teroristaj atencoj en Parizo. En nia scienca bulteno ni parolas pri pola kontribuo en la nombrado de pingvenoj sur Antarkto kaj pri interesa specio de formikoj, kiuj sklavigas aliajn senbatale. En la hodiaŭa E-elsendo ni proponas laŭvican literaturan fragmenton de la romano de Henryk Sienkiewicz „Quo Vadis” en la E-traduko de Lidia Zamenhof. Muzike akompanas nin Ĵele per fragmento de sia kanzono „Mia steleto kara”.   La komencaj informoj estas paralele aŭdeblaj kaj legeblaj en la rubriko Aktualaĵoj.  En la rubriko Sciencaj Informoj  same paralele aŭdeblaj kaj legeblaj estas temoj de nia Scienca Bulteno.

Friday, November 13, 2015

Ĉe www.pola-retradio.org en la 497-a E-elsendo nia ĉiusemajna felietono estas dediĉita al la figuro de koninda polo, elstara historitema pentristo Jan Matejko, memoriginda en la tagoj, kiam Pollando solenas Feston de Sendependeco. Komenca aktualaĵo rilatas al la aktuala politika situacio, kulturkronikaj informoj sciigas pri plano transformi Polan Radion en kulturan institucion kaj pri nova monero ligita kun Poznano. En E-komunuma segmento ni raportas pri la lasta Pupfestivalo en Japanio. Muzike akompanas nin hodiaŭ Kajto per la kanzono „Pupoj” kaj JoMo memoriganta la kanton „Suno sunu”. Nia komenca aktualaĵo, kulturkronikaj informoj kaj felietono estas paralele aŭdeblaj kaj legeblaj en la unuopaj rubrikoj de nia paĝo.

Wednesday, November 11, 2015

En la 496-a E-elsendo ĉe www.pola-retradio.org post la somera-aŭtuna paŭzo ni denove renkontiĝas kun nia redakcia kolego, dr-o Maciej Jaskot, kiu rakontas pri kelkaj lastatempaj eventoj ligitaj kun lia laboro. Komence ni proponas aktualaĵojn kun informoj pri la konsistopropono de la nova pola regsitaro, kiujn prezentis la venka partio Juro kaj Justeco. La sekva informo rilatas al la morgaŭa nacia festo, la 97-a datreveno de la reakiro de sendependeco de Pollando. En la sciencbultena temo ni informas pri esploroj koncerne la efikadon de ruĝa lumo je cikatriĝado de vundoj. La komencaj informoj estas paralele aŭdeblaj kaj legeblaj en la rubriko Aktualaĵoj. Tio koncernas same la sciencbultenan temon, kiu aperas skribe kaj sondokumente en la rubriko Sciencaj Informoj. Muzike – en la nunaj iom grizaj aŭtunaj tagoj – varmajn ritmojn de Tango de Amo reproponas Mélanie Prin el Francio.

Saturday, November 7, 2015

En la 495-a E-elsendo ĉe www.pola-retradio.org nia ĉiusemajna felietono estas dediĉita al la varsovia Tombo de Nekonata Soldato, en la kunteksto de ĝia ĵusa 90-jariĝo kaj pasonta la 11-an de novembro pola nacia festo, Festo de Sendependeco. Nia komenca kulturkronika informo rilatas al interesa ekspozicio rigardebla ĝis la mezo de decembro 2015 en Collegium Polonicum en Słubice kaj dediĉita al Karl Dedecius. La E-komunuma informo memorigas pri la okazonta fine de novembro Malferma Tago en la CO de UEA en Roterdamo. Denove en la fino de la programo aŭdiĝas leterkesta programero, en kiu i.a. ni citas el la pensiga letero de nia brita aŭskultanto pri migrantoj aŭ rifuĝintoj. La kulturkronika informo kaj la felietono estas paralele aŭdeblaj kaj legeblaj en la rubrikoj de nia paĝo. La felietonon akompanas muzika citaĵo el Fantasie-Impromptu in cis-moll (Do-dies’ minora) de Frederiko Chopin. Kaj ene de la elsendo kantas Ĵomart kaj Nataŝa pri „Reva vojaĝo” devenanta el ilia KD „Amu min”.

Tuesday, November 3, 2015

La 494-a E-elsendo ĉe www.pola-retradio.org enhavas laŭvican, ĉi-foje jam la 32-an fragmenton de la romano de Henryk Sienkiewicz „Quo Vadis” en la E-traduko de Lidia Zamenhof. En la komencaj aktualaĵoj ni informas pri la vizito de la pola prezidento en Rumanio. Alia temo estas la enspeza diskriminacio de virinoj en la Eŭropa Unio. Temo el la pola gazetaro rilatas al ukrainaj enmigrantoj en Pollando, kies nombro superis dum du lastaj jaroj kelkdek mil personojn. La scienctema rubriko prezentas novan polan inventaĵon Pilobox. La komencaj informoj estas paralele aŭdeblaj kaj legeblaj en la rubriko Aktualaĵoj. Tio koncernas same la sciencbultenan temon. Muzike ni memorigas Paŭlon Moĵajev en la kanzono „Olda Pian’” el lia KD „Pluke Traduke”.

Friday, October 30, 2015

En la 493-a E-elsendo ĉe www.pola-retradio.org gastas la prezidanto de la Nitra LKK, Peter Baláž, kun kiu ni interparolas pri la pasintsemajna kunsido de LKK de la 101-a UK en Nitro. La komenca kulturkronika informo rilatas al la jhus inaugurita en Varsovio ekspozicio de pentristoj kreantaj lau la pashteltekniko. La nunsemajna felietono estas dedichita al la proksimighanta Tago de Mortintoj. Audighas raporto pri la okazinta en Katalunio Semajno de Kulturo kaj Tekniko. La kulturkronika informo kaj la felietono estas paralele audeblaj kaj legeblaj en la rubrikoj de nia pagho. Ankau la interparolo kun LKK-prezidanto estas auskultebla eksterelsende en la rubriko „Antau la mikrofono”.

Tuesday, October 27, 2015

Komence de la 490-a E-elsendo ĉe www.pola-retradio.org audighas aktualajhoj pri la lastdimanchaj balotoj en Pollando. Ni informas ankau pri nova centro en Pollando, kie eblas studi la chinan lingvon kaj subighi al shtata ekzameno pri ghi. La sciencbultena informo koncernas la sciencistajn laborojn, kiuj konfirmas, ke bestoj kapablas antausenti dangherajn situaciojn, katastrofojn. Nia antaumikrofona gasto estas la prezidanto de Slovaka E-Federacio, Stano Marchek kun kiu ni interparolas pri ghi en la kunteksto de la 101-a UK en Nitro. Muzike akompanas ni la slovaka (ne plu ekzistanta kantgrupo TEAM) kaj slovaka popola kanto el la KD „Kantoj de l’popolo”. Aktualajhoj kaj la scienca informo estas paralele auskulteblaj kaj legeblaj en la unuopaj rubrikoj de nia pagho. Ankau la inerparolo kun nia gasto estas auskultebla aparte en la rubriko „Antau la mikrofono”.

Tuesday, October 20, 2015

En la komenco de la 490-a E-elsendo ĉe www.pola-retradio.org ni prezentas ampleksajn aktualaĵojn kun informoj pri pola starpunkto rilate enmigrantojn, pri la komenciĝinta lasta semajno antaŭ la polaj balotoj la 25-an de oktobro. Sekve ni informas pri la trapaso de Chopin-konkurso kaj pri du eventoj, rilataj al E-o en la pola publika spaco. Temas pri novembra internacia simpozio en Vroclavo pri grandaĝuloj kaj hodiaŭ inaŭgurita ekspozcio pri Esperanto en la Jagelona Biblioteko en Krakovo. Nia sciencbultena temo koncernas revolucian malkovron de polaj scienistoj en la sfero de bioplantaĵoj. Referencante al ARKONES-tagoj ni krome prezentas interparolon kun nia aŭskultanto, studento de Interlingvistikaj Studoj, kunredaktanto de „Beletra Almanako” kaj poeto, Suso Muinhos el Galegio. Fragmenton de pola poezio kante memorigas krakova esperantistino, Jadwiga Dzięgielewska.

Friday, October 16, 2015

En la 489-a E-elsendo ĉe www.pola-retradio.org rege je interesiĝo de kelkaj aŭskultantoj pri pola religia muziko ni prezentas KD-ojn eldonitajn de polaj Senŝuaj Karmelaninoj en Gniezno lige kun la jubileo de la 500-a naskiĝdatreveno de la katolika mistikulino s-ta Tereza el Avila. En komencaj mallongaj informoj – retrorigarde al la lastĵaŭdaj uniaj interparoloj – ni donas la atenton al ĉi-rilata starpunkto de la pola ministro por la eksterlandaj aferoj. Ni informos pri la ĵus establita Nacia Evolukonsilio. La kulturkronika informo rilatas al interesa ekspozicio en Vroclavo prezentanta la tn. Trezoron el la loko Środa Śląska. La movada programero traktas vendojn de la Libroservo de UEA dum la Lilla UK kaj disponigon de la Biblioteka Bachrich-Apogo. La komencaj informoj estas paralele legeblaj kaj aŭskulteblaj en la niapaĝaj rubrikoj Aktualaĵoj kaj Sciencaj Informoj. Muzike akompanas nin Kapriol’ per la kanto Mi velis sur la maro, devenanta el ilia furorinta dum la Lilla UK KD „Kavaliriko”.

Tuesday, October 13, 2015

En la 488-a E-elsendo ĉe www.pola-retradio.org komence niaj akualaĵoj traktas politikajn aferojn ĉirkaŭ Sirio, krome ni informas pri pasintsemajnaj eventoj kiel inaŭguro de vincentro en la Lubuŝa Regiono (okcidenta Pollando) kaj rekorda kunflugo de gruoj en la Nacia Parko „Revierbuŝo de Warta-rivero” (http://birdmap.5dvision.ee/EN/2015/Autumn/one/). Nia scienca informo traktas novajn malkovrojn pri faktoroj decidantaj pri la vinkvalito. Antaŭ nia mikrofono gastas Vera Barandowska-Frank, kiu dividas kun ni kelkajn rimarkojn pri siaj okupoj kun studentoj dum la aŭtuna sesio de Interlingvistikaj Studoj en Poznano. La aktualaĵoj kaj sciencbultena temo estas paralele aŭdeblaj kaj legeblaj en la rubriko Aktualaĵoj kaj Sciencaj Informoj. Muzike akompanas nin Kore per sia kanto La Sonĝoj el la KD Kia viv’ eldonita de Vinilkosmo.

Friday, October 2, 2015

En la 484-a E-elsendo ĉe www.pola-retradio.org en la komenca kulturkroniko ni informas pri la unua solenata la 2-an de oktobro 2015 Tago omaĝanta la Civilan Loĝantaron de Varsovio dum la Varsovia Insurekcio 1944. Sekve ni sciigas pri la komenciĝinta la 1-an de oktobro en Varsovio 17-a Internacia Pianista Chopin-konkurso. Kun Tobiasz Kaźmierski ni interparolas pri la finiĝinta lasdimanĉe en Poznano ARKONES. La programon finplenigas leterkesta renkontiĝo. En ĝi ni utiligas fragmente la koncertan surbendigon de Zuza Komarnicka. Unu el la koncertaj kanzonoj de Ĵomart kaj Nataŝa akompanas nian interparolon kun Tobiasz Kaźmierski. Temas pri la pola furorkanzono de Seweryn Krajewski kaj la grupo „Ruĝaj Gitaroj”. La tekstoj de la kulturkronikaj informoj estas paralele aŭdeblaj kaj legeblaj en la rubriko Aktualaĵoj. Aparte la rubriko Antaŭ la Mikrofono estas aŭskultebla la interparolo kun nia antaŭmikrofona gasto kun specimeno el la koncerta surbendigo de Ĵomart kaj Nataŝa.

Tuesday, September 29, 2015

En la 483-a E-elsendo ĉe www.pola-retradio.org ni interparolas kun d-rino Ilona Kouthny (ricevinta nunjare pro sia plurjara kleriga laboro Diplomon pro Elstara E-Agado) pri la finiĝinta en Poznano aŭtuna sesio de la Interlingvistikaj Studoj. Komence en niaj aktualaĵoj ni informas pri la lastlunda parolado de la pola prezidento en UNo-sidejo en Novjorko. Ni donas la atenton al la impostaj deliktoj de grandaj konzernoj kaj holdingoj en la uniaj landoj – baze de speciala raporto de Eŭropa Komisiono. Nia scienbultena temo rilatas al esploroj pri la flarsenso kaj spaca orientiĝo. Ni prezentas krome la rezultojn de la 2-a Muzika Konkurso de „Kontakto” (http://kontakto.tejo.org/2015/07/vocdonu-por-la-2-muzikakonkurso) fragmente citante el la laŭreato de la 1-a premio, la kanzono „La Princino” de Martin kaj Talpoj. La komencaj informoj estas paralele aŭdeblaj kaj legeblaj en la rubriko Aktualaĵoj. Same la sciencbultena temo estas samtempe aŭdebla kaj legebla en rilata rubriko de nia paĝo. En la rubriko Antaŭ la mikrofono aŭdiĝas interparolo kun nia antaŭmikrofona gasto.

Friday, September 25, 2015

En la 482-a E-elsendo ĉe www.pola-retradio.org en la komenca kulturkroniko ni informas pri aparta omaĝo al pola politikisto kaj patrioto, Henryk Sławik per kies nomo oni baptis fragmenton de Danuba riverbordo en Budapeŝto. Speciala felietono al li dediĉita aŭdiĝis en nia E-elsendo el la 07.02.2014. Sekve ni parolas pri polaj eventoj lige kun Eŭropa Tago de Lingvoj (26.09.2015). E-komunumaj informoj rilatas al speciala numero de INDECS dediĉita al Esperanto, al Scienc-Teknika Biblioteko de Eventoj kaj okazonta la plej proksiman mardon en Frosinone, Italio evento dediĉita al Esperanto. Retrorigardante al la Lilla UK ni prezentas sondokumente la enkondukon al IKU-prelego de Amri Wandel „La revolucio de Eistein: Jubileo de Teorio de Relativeco 1915-2015”. La tekstoj de la kulturkronikaj informoj estas paralele aŭdeblaj kaj legeblaj en la rubriko Aktualaĵoj.

Wednesday, September 23, 2015

En la 481-a E-elsendo ĉe www.pola-retradio.org per la sonondokumento pri la Aŭtora Duonhoro de Nicola Ruggiero dediĉita al lia poemaro „La kanto de korvo” ni retrorigardas al la eventoj de la nunjara UK en Lillo. Komence de la programo niaj aktualaĵoj rilatas al la renkontiĝoj de Arraiolos-Grupo en Germanio kaj la starpunkto de la estro de la Oficejo pri Nacia Sekureco pri la islamaj enmigrantoj. Krome ni informas pri la studplanoj de polaj abiturientoj. La sciencbultena temo koncernas la senstreĉigan efikon de manlaboroj je la homa cerbo. Muzike akompanas nin Mélanie Prin memorigante fragmente la kanzonon „Morgaŭ”. La komencaj informoj estas paralele aŭdeblaj kaj legeblaj en la rubriko Aktualaĵoj. Ankaŭ la sciencbultena temo estas samtempe aŭdebla kaj legebla en rilata rubriko de nia paĝo.

Saturday, September 19, 2015

La 480-a E-elsendo ĉe www.pola-retradio.org enhavas komence kulturkronikon, en kiu ni informas pri ĵus inaŭgurita varsovia Muzeo pri Katyń-Krimo, pri la komenciĝintaj Tagoj de la Eŭropa Kulturheredaĵo en Varmio kaj Mazurio, fine pri la 1-a Festivalo de Barokaj Operoj en Varsovio. Nia antaŭmikrofona gasto estas Małgosia Komarnicka, aktiva vroclava E-agantino al multaj konata kiel ĉefrolantino en la spektaklo „Ursula” prezentita dum la Lilla UK. E-informoj koncernas la planatan novan ekspozicion en la E-muzeo de la Ĉeĥa E-Asocio (http://www.ipernity.com/blog/181031/1584432) kaj la nunan staton de la hispana Bitoteko (http://bitoteko.esperanto.es:8080/jspui/). La kulturkronikaj informoj de la elsendo estas paralele aŭdeblaj kaj legeblaj en la rubriko Aktualaĵoj. Ankaŭ la interparolo kun nia antaŭmikrofona gasto aŭdiĝas aparte en la rubriko Antaŭ la mikrofono.

Sunday, September 13, 2015

La 479-a E-elsendo ĉe www.pola-retradio.org enhavas komence kulturkronikon. Krome audiĝas en ĝi la interparolo kun Petro Balazs el Slovakio, aktivulo de EEU pri la jam 10-a esperantista partopreno en la grava regiona evento, kiu estas Ekonomia Forumo loganta al la sudpola kuracloko Krynica politikistojn, ekonomikiistojn, publikajn ekspertojn kaj ĵurnalistojn. En la kultura programo de la evento prezentiĝis la kantgrupo „Junaj Voĉoj” el Nowy Sącz konata al la partoprenantoj de la Lilla UK. Kelkaj iliaj kantoj (fragmente) el la koncerto „Vento el la montaro” akompanas nian escepte dimanĉan E-elsendon. La kulturkronikaj informoj estas paralele aŭdeblaj kaj legeblaj en la rubriko Aktualaĵoj. Ankaŭ la interparolo kun nia antaŭ nia mikrofona gasto aŭdiĝas aparte en la rubriko Antaŭ la mikrofono.

Wednesday, September 9, 2015

Denove la ĉefinformo en  la 477-a E-elsendo ĉe www.pola-retradio.org ligiĝas kun la problemoj de la  enmigrado en Eŭropo.  Sekve ni prezentas kelkajn donitaĵojn pri la akceptado de eksterlandanoj en Pollando en la unua jarduono kaj informas pri speciala kampanjo favore al la naturo en la pola Tatry-montaro. Nia sciencbultena temo traktas la semajnan profesian labordaŭron kaj riskon de kormalsanoj. Fine ni interparolas kun Maciej Jaskot pri lia lastsemestra universitata laborgrupo pri konstruataj lingvoj. Ni memorigis krome la Ciganan Baladon el la E-repertuaro de Remigiusz Kossakowski.  La komencaj  informoj estas paralele aŭdeblaj kaj legeblaj en la rubriko Aktualaĵoj. Ankaŭ la sciencbultena temo estas samtempe aŭdebla kaj legebla en rilata rubriko de nia paĝo.

Tuesday, September 8, 2015

La 476-a E-elsendo ĉe www.pola-retradio.org enhavas la ekstervican programon, kiu enhavas retrorigardajn sonscenojn pri la 100-a UK en Lillo. Ĉi-foje temas pri la 2-a parto de la sonscenoj ligitaj kun la ekskursa vizito en Bulonjo ĉe Maro por solenaĵo omaĝanta la unuan E-kongreson okazintan en ĉi tiu urbo antaŭ 110 jaroj. La sondokumentoj estis registritaj sur la urba Placo de Zamenhof, kie okazis senvualigo de la monumento de la lingvokreinto, sekve dum la akcepto en la urbodomo de Bulonjo ĉe Maro. La unua parto de ĉi tiu sonraporto aŭdiĝis en la 463-a elsendo el la 29-a de julio 2015 sendita rekte el Lillo.

Friday, September 4, 2015

La problemoj de la enmigrado en Eŭropo estas la komenca temo en la 475-a E-elsendo ĉe www.pola-retradio.org. Nia kulturkronika informo rilatas al la morgaŭa sabata Tago de la Nacia Legado, kiu de kelkaj jaroj memorigas al poloj la plej gravajn verkojn de la pola literaturo. La morgaŭan tutlandan legadon de la romano „La Pupo” de Bolesław Prus en la varsovia Saksa-Parko inaŭguros la pola prezidenta paro. E-kleriĝemulojn kaptos tutcerte informo pri nova, interesa libro de Aleksandro Melnikov. Fine ni proponas renkontiĝon en la leterkesta programero. La teksto de la kulturkronika informo estas paralele aŭdebla kaj legebla en la rubriko Aktualaĵo. Muzike akompanas nin Amindaj memorigante la delonge konatan kanton „Tiel la mondo iras”, kiu troviĝas sur ilia KD eldonita de Vinilkosmo.

Tuesday, September 1, 2015

En la 474-a E-elsendo ĉe www.pola-retradio.org ni revenas postferie al la prezentado de la romano „Quo Vadis” de Henryk Sienkiewicz en la E-traduko de Lidia Zamenhof. Antaŭ ĝi ni prezentas du opiniojn pri literaturo en niaj elsendoj registritaj ĉe nia movadfoira tablo dum la Lilla UK. La komencaj informoj rilatas al la 76-a datreveno de la eksplodo de la 2-a mondmilito kaj al la nova lernojaro en Pollando. Nia sciencbultena temo ankaŭ gravas en la kunteksto de lernado, ĉar eksplikas kial daŭre gravas manskribado kaj kaligrafio. La tekstoj de la komencaj informoj estas paralele aŭdeblaj kaj legeblaj en la rubriko Aktualaĵoj. En la rubriko Sciencaj Informoj samtempe legebla kaj aŭdebla estas nia hodiaŭa sciencbultena temo.
Komence de la 473-a E-elsendo ĉe www.pola-retradio.org nia aktualaĵo aperas sojle de la vizito de la pola prezidento en Germanio. La kulturkronika informo rilatas al la nova sidejo de la Mielkuka Muzeo en Toruń, Pollando. La E-informo sciigas pri la nova originala E-romano de la eldonejo „Edition Iltis”. Temas pri „Ho, tomboj de l’ prapatroj” de Clelia Conterno Guglielminetti, aperanta okaze de la 100a naskiĝdatreveno de la aŭtorino (1915-1984), kiu verkis en la itala kaj en Esperanto. La programon – en kiu muzike akompanas nin fragmente la kanto „Reva danco” de Kapriol’ el ilia KD „Kavaliriko”, eldonita de Vinilkosmo – finas Leterkesto. La tekstoj de la komencaj informoj estas paralele aŭdeblaj kaj legeblaj en la rubriko Novaĵoj.

Tuesday, August 25, 2015

En mallongaj informoj komence de la 472-a E-elsendo ĉe www.pola-retradio.org ni referencas la 25-an de aŭgusto 2015 al la semajnfinaj vizitoj de la pola prezidento en Tallino kaj de la rusa ĉefministro sur unu el la insuloj de la Kurila Arkipelago, kie li deklaris formalan vastiĝon de la rusa teritorio. Informo el Pollando rilatas al la feria (sed ne nur) bicikla vizitado de la vitejoj en la suda Pollando. La sciencbultena temo traktas novajn malkovrojn pri goriloj. Reference al la 100-a UK en Lillo Milada Szwedo prezentas sian interparolon kun Tali Wandel pri ŝia kontribuo al la temo eŭritmio kadre de la Kleriga Lundo. En la marda E-programo muzike akompanas nin Neide Barros Reĝo prezentante la kanton Blanka Luno el la KD „Revo de Amo”. Tekstoj de aktualaĵoj, scienca temo estas paralele legeblaj kaj aŭsulteblaj ĉe nia paĝo. En la rubriko Antaŭ nia mikrofono aŭdiĝas interparolo el nia programo kun Tali  Wandel.

Saturday, August 22, 2015

La 471-a E-elsendo ĉe www.pola-retradio.org estas la ekstervica programo enhavanta retrorigardajn sonscenojn pri la 100-a UK en Lillo. Ĉi-foje temas pri la sonraporto el la solenaĵo okazinta la 28-an de julio 2015 ligita kun la senvualigo de la memortabulo dediĉita al la naskiĝinta en Lillo Gaston Waringhien. La eventon gviditan de Xawier Dewidhem partoprenis i.a. prezidantoj de Akademio de Esperanto, Christer Kiselmann kaj de UEA, Mark Fettes. La raporto kreiĝis kun la sonregistra helpo de Mark Bavant.

Friday, August 21, 2015

La mallongaj aktualaĵoj komence de la 470-a E-elsendo ĉe www.pola-retradio.org ligiĝas kun la eventoj en Koreio, Grekio kaj Bulgario. Sekve ni informas pri interesa ekspozicio de Pollando en la korea ĉefurbo Seulo. Laŭvica sonsceno registrita ĉe la stando de la Pola Retradio dum la Movada Foiro atestas pri la viglo kaj denseco de la ligitaj tie kontaktoj. Ni referencas krome al la statistiko pri la 100-a UK en Lillo kaj informas pri la nunjara eldono de Biblioteka Apogo Bachrich, pri kiu eblas klopodi ĝis la fino de aŭgusto. La elsendon finas mallonga Leterkesto. La tekstoj de aktualaĵoj kaj de la kulturkronika informao estas paralele aŭdeblaj kaj legeblaj en la unuopaj rubrikoj de nia paĝo.

Tuesday, August 18, 2015

La komencaj aktualaĵoj en la 469-a E-elsendo ĉe www.pola-retradio.org ligiĝas kun la planoj de la eksterlandaj vizitoj de la pola prezidento kaj atribuita helpo al Grekio. Pri avantaĝoj de filozofilernado fare de gejunuloj informas nia sciencbultena temo. Ĉi-foje nia antaŭmikrofona renkontiĝo kun Maciej Jaskot traktas lian aktivadon en la unusola altlerneja grupo en Pollando okupiĝanta pri la evoluigaj laboroj rilate al Referenckadro pri lernado de fremdaj lingvoj. Muzike ni prezentas la kanton de Daimi el Kubo pri la Lilla UK. La tekstoj de aktualaĵoj kaj de la scienca temo estas paralele aŭdeblaj kaj legeblaj en la unuopaj rubrikoj de nia paĝo. Ankaŭ la interparolo kun Maciej Jaskot estas aŭdebla aparte en la rubriko „Antaŭ la mikrofono”.

Friday, August 14, 2015

En la 468-a E-elsendo ĉe www.pola-retradio.org aŭdiĝas komence aktualaĵoj referencaj al la aktualaj eventoj en Pollando, sed ni referencas krome al la sondokumentoj el la 100-a UK en Lillo. Unue ni prezentas la 1-an parton de la sondokumento, en kiu Giorgio Silfer kaj Carlo Minnajo dum la programero “Belartaj Konkursoj” prezentis sian libron pri la historio de la E-literaturo, aĉetebla ĉe uea.org. Sekve en nia Leterkesto aŭdiĝas kelkaj sonscenetoj ĉe la stando de Pola RetRadio dum la kongresa Movada Foiro.

Tuesday, August 11, 2015

En la 467-a E-elsendo ĉe www.pola-retradio.org reference al la 100-a UK en Lillo ni prezentas interparolon kun Ursula Grattapaglia en la kunteksto de la furoranta dum la kongreso spektaklo „Ursula” kaj la nuna situacio en Bona Espero, Brazilo. Komence ni referencas al la 70-a datreveno de la faligo de la atombombo sur la urbon Nagasaki (Japanio) kaj al la konsideroj de la Eŭropa Unio apliki sankciojn rilate Israelon. Nia scienca temo traktas la dependiĝojn inter korpograso kaj salo. En la elsendo ni prezentas fragmente kanton el la japana kasedo „Japanio kantas por paco”. Krome ni prezentas la kanzonon de Alejandro Cosavella „Pordo” el lia KD „Revolucio en Pajlero”. Aktualaĵoj kaj scienbultena informo estas paralele legeblaj kaj aŭskulteblaj en la unuopaj rubrikoj de nia paĝo. Ankaŭ la interparolo kun nia antaŭmikrofona gasto aŭdiĝas aparte en la rubriko Antaŭ la mikrofono.

Friday, August 7, 2015

En la 466-a E-elsendo ĉe www.pola-retradio.org ni revenas al la kadra programa skemo de la varsoviaj elsendoj. En la komenca parto ni informas pri la ekoficinta nova prezidento de Pola Respubliko, Andrzej Duda. Nia sekva informo rilatas al omaĝa ekspozicio memoriganta la hombuĉadon de la civila loĝantaro de Varsovio dum la Varsovia Insurekcio 1944. Pliaj kulturkronikaj informoj koncernas grandan sukceson de la pola teatro dum la Teatra Festivalo en Avinjono kaj la polan-hindunian kulturan kunlaboron. Per la sonsceno pri la raporto de TEJO-reprezentano Michael Boris Mandirola dum la Solena Fermo de la Lilla UK ni enkondukas en la informon pri lia elekto TEJO-prezidanto dum la daŭranta IJK. La informoj de aktualaĵoj kaj kulturkroniko estas paralele legeblaj kaj aŭskulteblaj en nia paĝa rubriko „Novaĵoj”.

Wednesday, August 5, 2015

En la 465-a E-elsendo ĉe www.pola-retradio.org ni revenas al la kadra programa skemo de la  varsoviaj elsendoj. En la informa parto ni referencas al la 71-a datreveno de la Varsovia Insurekcio 1944, heroa elano de la varsovianoj kontraŭ la germanan okupaciinton. La sciencbultena temo rilatas al la ĵus malkovritaj proprecoj de iu ĉina planto, kiu havas obezecoforigajn trajtojn. En la unua programo post la Lilla UK, el kiu ni raportis rekte, ni prezentas kelkajn emociigajn scenojn el la Solena Fermo de la 100-a UK en Lillo okazinta la 01-an de aŭgusto.

Friday, July 31, 2015

La sonsceno en la 464-a E-elsendo ĉe www.pola-retradio.org referencas al la marda kongresa tago. Ni prezentas la programkontribuon de prof. d-ro Duncan Charters en la programo de Tago de Lernado  „Kiel plej efike lerni Esperanton kaj aliajn lingvojn”.

Wednesday, July 29, 2015

La 463-a E-elsendo ĉe www.pola-retradio.org enhavas la unuan parton de raporto pri la ekskursa vizito en Bulonjo ĉe Maro por solenaĵo omaĝanta la unuan E-kongreson okazintan en ĉi tiu urbo antaŭ 110 jaroj.

Tuesday, July 28, 2015

La prikongresa raporto en la 462-a E-elsendo enhavas kelkajn sonscenojn kaj komentojn pri la lunda kongresa semajno. Pri la unua Aŭtora Duohoro ni interparolas kun Jukka Pietiläinen, ni prezentas krome interesan intervenon de Barabara Despiney el la lunda seminarieto pri Unesko 70-jara – kiu historie referencas ankaŭ al la kunlaboro de UEA kun ĉi tiu organizaĵo. Fine interesan sonscenon ni registris ĉe la kongresa DX-ula stacio.

Monday, July 27, 2015

La raporto el la 100-a UK en Lillo ĉe www.pol-retradio.org en la 461-a E-elsendo enhavas kelkajn sonscenojn el la Solena Inaŭguro, kaj sonspecimenon el la impona Nacia Vespero kun bonvenigaj vortoj de Giganto en ĝin enkondukanta kaj komune plenumita kanto el la fino de la spektaklo gvidita de La Kompanoj.

Sunday, July 26, 2015

En la 460-a elsendo enhavanta la duan raporton el la 100-a UK de Esperanto en Lillo  troviĝas la retrorigardaj sonkontribuoj al la kongreslaboroj de KKS, Clay Magelhaes, UEA-Prezidanto, Mark Fettes kaj la estrarano pri scienca kaj faka agado Jose Antonio Vergara.

Friday, July 24, 2015

Laŭvicajn 8 el 16 ravaj lokoj kandidatiĝantaj por la titolo Nova Mirloko de Pollando ni prezentas en la 459-a E-elsendo ĉe www.pola-retradio.org. Sed la hodiaŭa programo enhavas programerojn ne nur registritajn en Varsovio, sed ankaŭ en Lillo, kie jam troviĝas viaj raportistoj Barbara, Milada kaj Krystyna. Ni do dividas kun vi kelkajn unuajn impresojn el la kongresurbo de la 100-a UK, ni citas el la letero de nia kanada aŭskultanto Bruce Crisp pri atendoj ligitaj kun nia raportado el Lillo. Milada prezentas la unuan faskon de la patronoj de la kongressalonoj. En nia programo kantas hodiaŭ E-kanton fama franca kantisto Max Roy Carrouges. La paralele legeblaj kaj aŭskulteblaj fragmentoj de nia elsendo aperos ĉe nia paĝo post la kongresa tempo.

Thursday, July 23, 2015

La 21-an de Julio 2015 jam la 28-a fragmento de “Quo Vadis” de Henryk Sienkiewicz en la E-traduko de Lidia Zamenhof konsistigas la literaturan segmenton de la 458-a elsendo ĉe la adreso: www.pola-retradio.org. Nian informan parton malfermas raporto pri la laborekspluatado en la Eŭropa Unio kaj ankaŭ pri la preferoj de poloj rilate kosmetikaĵojn. La sciencbultena temo rilatas al la civilizacispuroj en glaciboraĵoj en Antarkto kaj Gronlando. La informoj de la novaĵbulteno kaj de la scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj. En la etoson de la 100-a UK enkondukas nin post kelka paŭzo denove Georgo Handzlik.

Saturday, July 18, 2015

8 el 16 ravaj lokoj kandidatiĝantaj por la titolo Nova Mirloko de Pollando ni prezentas en la 457-a E-elsendo ĉe www.pola-retradio.org. Nia kulturkronika informo rilatas al la funkcianta dum la tuta feria periodo eduka programo celita al infanoj en la Muzeo de Pola Elmigrintaro en Gdynia (la norda Pollando). La E-informoj koncernas la nunjaran eldonon de Internacia Kongresa Universitato kaj kandidatojn por la posteno de nova Ĝenerala Direktoro de UEA. La antaŭkongresa Leterkesto enhavas kelkajn gravajn informojn por ĉiuj niaj aŭskultantoj, kiuj partoprenos la Universalan Kongreson de Esperanto en Lillo kaj ŝatos renkontiĝi kun reprezentantoj de nia Redakcio dum la Movada Foiro kaj Renkontiĝo de la Aŭskultantoj de la E-Radiofonio. En la kongresan etoson enkondukas nin kanto de Ramona van Dalsem. Ni notas krome, ke la prezentita pasintsemajne en nia programo “Papilia Tango” kantata de Mélanie Prin estas jam spektebla kun kanzonvortoj en YouTube: https://www.youtube.com/watch?v=TmnYuly7eHw. Ekzistas ankaŭ la alia videaĵo de la sama tango prilaborita de hispana esperantisto ĉe https://www.youtube.com/watch?v=uhoXIvt34t4. Informoj pri kandidatoj por la titolo nova Mirloko de Pollando kaj la kultur­kronika informo estas paralele legeblaj kaj aŭskult­eblaj en la rubrikoj Novaĵoj kaj Felietonoj.

Tuesday, July 14, 2015

La temo de nia hodiaŭa interparolo kun Maciej Jaskot estas la okazinta malfruprintempe en Pollando konferenco, kies ĉeftemo estis la neceso de bona, korekta kono de la gepatra lingvo fare de infanoj kaj junuloj en la alproprigado de fremdaj lingvoj. Nian ĉi-semajnan sciencan temon ni dediĉas al la konfirmita hodiaŭ ekzisto de pentokvanto, kiun antaŭvidis pola sciencisto Michał Praszałowicz. En la komencaj aktualaĵoj de la 456-a E-elsendo el Varsovio ĉe www.pola-retradio.org ni informas pri akcepto fare de Greklando de kondiĉoj ebligantaj ricevi novan helpofaskon de la Unio. Ankaŭ pri la projekto de la pola prezidento-elektito revenigi la malnovan emerituran aĝon. Ni informas ankaŭ pri la aŭkciota en Lillo unika letero de Ludoviko Zamenhof el 1908 (http://www.uea.org/aktuale/komunikoj/2015/Unika-Zamenhof-letero-auxkciata-rete). La informoj de la novaĵbulteno kaj de la scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj. Ankaŭ la interparolo kun nia antaŭmikrofona gasto aŭdiĝas aparte en la rubriko “Antaŭ la mikrofono”. Hodiaŭ muzike akompanis nin fragmente la komponaĵo el la KD de Jim Petit “Karma” – La voko de la vento.

Friday, July 10, 2015

Denove en nia vendreda programo ni proponas enrigardi la E-gazetaron, ĉi-foje temas pri Norvega Esperantisto (3/2015), La Revuo Orienta (6/2015),Juna Amiko (2/2015), Informilo por Interlingvistoj (1-2/2015). En la 455-a E-elsendo ĉe www.pola-retradio.org komence kulturkronike ni notas interesan ekspozicion en Varsovio dediĉitan al la japana arto en la polaj kolektoj; La elsendon finas leterkesta renkontiĝo, en kiu ni i.a. informas pri novaj sonmaterialoj akompanitaj per paralele legeblaj tekstoj, kio aparte gravas en la parola parktiko kaj trejniĝo. Ĉe nia paĝo troviĝas jam diverslongaj kaj laŭteme variaj studmaterialoj: 394 novaĵoj, 86 felietonoj, 143 sciencaj informoj kaj krome aŭdeblaj eksterelsende 61 interparoloj, intervjuoj kaj sonscenoj. Kaj krome la plej novan kanton de Lorenzo Tomezzoli kaj Gilbert Drigon “Papilian Tangon” kantas Mélanie Prin. Trarigardo de la E-gazetaro kaj kultur­kronika informo estas paralele legeblaj kaj aŭskult­eblaj en la rubrikoj Novaĵoj kaj Felietonoj.

Tuesday, July 7, 2015

La 27-a fragmento de “Quo Vadis” de Henryk Sienkiewicz en la E-traduko de Lidia Zamenhof konsistigas la literaturan segmenton de la 454-a elsendo ĉe la adreso: www.pola-retradio.org. Nian komencan, informan parton malfermas informo rilatanta al la sekvoj de la dimanĉa referendumo en Greklando. Ni informas krome pri malkreskanta loĝantaro de polaj urboj, aliflanke pri kreskanta nombro de turistoj en Pollando. La sciencbultena temo rilatas al la protekta efiko de la muzikaŭskulto. Muzike akompanas nin hodiaŭ Andrzej Tomecki invitante al promeno tra la varsovia Malnourba Kvartalo. La informoj de la novaĵbulteno kaj de la scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj.

Saturday, July 4, 2015

Post 8 jaroj ni revizitas la polan urbon Puławy (en la orienta Pollando), kiel lokon nepre vizitindan. En la 453-a E-elsendo ĉe www.pola-retradio.org en la komenco referencante al aktualaj eventoj ni informas pri tio, kiel Caritas helpas en la somera ripozo de polaj infanoj kaj gejunuloj. Ni alrigardas ankaŭ Greklandon antaŭ la dimanĉa referendumo. La kulturkronika informo rilatas al la prezentita programo de la pola urbo Vroclavo (la sudokcidenta Pollando), kiu en 2016 estos kultura ĉefurbo de Eŭropo. La E-informoj koncernas novajn E-eldonaĵojn – belartan esearon, eldonitan de UEA kaj poezivolumon de Wisława Szymborska, eldonitan de Bjalistoka E-Societo kun la Podlaĥia Libraro. Tiu ĉi libro aperas en la serio de UEA “Oriento-Okcidento”. En nia programo kantas hodiaŭ Andreo kaj Nata Berce. Temas pri la kanzono “Kion do faru ni”. Felietono, aktualaĵoj la kultur­kronika informo estas paralele legeblaj kaj aŭskult­eblaj en la rubrikoj Novaĵoj kaj Felietonoj.

Tuesday, June 30, 2015

Kun Konrad Andrzejuk, la sekretario de la estraro de Zamenhof-fondumo en Bjalistoko, kiu estas la antaŭmikrofona gasto de la 452-a E-elsendo, ni interparolas pri la laboroj efektivigitaj en 2014 kaj 2015. Komence en aktualaĵoj ni infomas pri la kriza situacio en Greklando; ni prezentas pritakson de la pola socio pri la laboro de la reganta koalicio kaj prezidento. Temo el la pola gazetaro koncernas raporton pri laborsatisfakcio en la landoj de la Eŭropa Unio. Sciencbultena temo rilatas al la fizika diferenco en la cerbokonstruo depende de tio ĉu temas pri t.n. emocia aŭ racia cerbo. Muzike akompanas nin hodiaŭ fragmentoj el Bjalistokaj Prezentaĵoj registritaj en la tempo de la Bjalistoka UK. La informoj de la novaĵbulteno kaj de la scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj. Ankaŭ la interparolo kun nia antaŭmikrofona gasto aŭdiĝas aparte en la rubriko “Antaŭ la mikrofono”.

Friday, June 26, 2015

Jan Potocki, la heroo de nia felietono pri koninda polo troviĝas inter polaj figuroj sur la nunjara listo de datrevenoj aŭspiciataj de Unesko, lige kun lia 200-a mortodatrevno. En nia 451-a E-elsendo ĉe www.pola-retradio.org ni komence referencas al la politika situacio en la mondo kaj teroristaj atakoj en Francio, Tunezio kaj Kuvajto, al la decido disloki 60 mil enmigrantojn en ĉiuj landoj de la EU. En la kultura parto krom la felietono aŭdiĝas ankaŭ informo pri omaĝo al pola nacia heroo, Tadeusz Kościuszko en la finna Turku. Per E-informoj ni adiaŭas meritiĝintan litovan esperantiston Antanas Mekys kaj informas pri la 31-a eldono de Arkones okazonta en septembro en Poznano. La programon finas leterkesta programero. Felietono kaj la kultur­kronika informo estas samteme legeblaj kaj aŭskult­eblaj en la rubrikoj Novaĵoj kaj Felietonoj.

Wednesday, June 24, 2015

La 26-a fragmento de la romano “Quo Vadis” de Henryk Sienkiewicz en la E-traduko de Lidia Zamenhof konsistigas la literaturan segmenton de la 450-a E-elsendo ĉe www.pola-retradio.org. Krome ni memorigas la polan ensemblon “Niaj bardoj”, kiu en sia repertuaro havis ankaŭ poezion de Julio Baghy. Komence ni informas pri la finiĝinta konkurso “Galicja Vitis” kaj el la pola gazetaro aŭdiĝas informo pri la valoro de hejma. La sciencbultena temo koncernas la demandon, ĉu komputiloj anstataŭigos homojn? La informoj de la novaĵeldono kaj scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj.

Friday, June 19, 2015

Tri novaj ĝardenoj disponigitaj al la publiko kaj turistoj en Varsovio, Krakovo kaj Sandomierz [sandomjeŝ] estas la temo de nia programero Vizitinda Pollando. Komence de la 449-a E-elsendo ĉe www.pola-retradio.org ni informas pri interesa projekto “Plurkultura Pola Respubliko en la epoko de reĝo Sigismundo Aŭgusto” kaj ĝia ĉefcelo - esploroj pri la famaj arasoj (reĝaj murtapiŝoj) el la Reĝa Kastelo en Krakovo. E-informoj rilatas al la ekspozicio de la rumana literaturo en Esperanto kadre de la librofestivalo “AXIS LIBRI” en Galaco, Rumanio, kaj al la unutaga staĝo en Burgundio. La kultur­kronika informo kaj la teksto pri Vizitinda Pollando estas paralele legeblaj kaj aŭskult­eblaj en la rubrikoj Novaĵoj kaj Felietonoj.

Wednesday, June 17, 2015

La antaŭmikrofona renkontiĝo kun Maciej Jaskot estas dediĉita al la nunjara la 5-a jam olimpiko, alivorte konkurso pri la hispana lingvo por mezlernejanoj en Pollando. En la komenco de la 448-a E-elsendo ĉe www.pola-retradio.org ni informas pri daŭra negativa rilato de poloj al eŭro, pri sukceso de polaj pakaĵkestoj ankaŭ eksterlande kaj granda plantokampanjo en la okcidenta Pollando. Sciencbultena temo traktas la negativan influon de homa infrastrukturo je la natura ĉasinstinkto de pumoj. La informoj de la novaĵbulteno kaj de la scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj. Ankaŭ la interparolo kun nia antaŭmikrofona gasto aŭdiĝas aparte en la rubriko “Antaŭ la mikrofono”. Muzike akompanas nin hodiaŭ la ensemblo “Kaj Tiel Plu”. Ni memorigas fragmente ĝian kanton “La aventuro” el la KD eldonita de Vinilkosmo “Plaĉas al mi”.

Friday, June 12, 2015

Denove en la 447-a E-elsendo ĉe www.pola-retradio.org ni proponas enrigardi la E-gazetojn. Ĉi-foje temas pri la lastaj numeroj de “Kontakto” kaj “Esperanto en Azio”. Nia kultur­kronika informo rilatas al la projekto “Poloj en Islando”. E-movade ni sciigas laŭ la Gazetaraj Komunikoj de UEA pri la nuna stato de UEA-membraro. Fine aŭdiĝas leterkesta programero. La kultur­kronika informo kaj  la Trarigardo de la E-gazetaro estas samtempe legeblaj kaj aŭskult­eblaj en la rubrikoj Novaĵoj kaj Felietonoj. Muzike akompanas nun Amindaj el Kubo per sia kanto el sia unua KD eldonita de Vinilkosmo.

Wednesday, June 10, 2015

La forpasinta lastsabate Jiří Patera estis unu el la plej fidelaj kaj longdaŭraj aŭskultantoj de la E-Redakcio de Pola Radio. Li estis ankaŭ elstara ĉeha esperantisto, honora membro de la Ĉeĥa Esperanto-Asocio. Apartajn meritojn li notis sur la redaktora kaj literatura kampoj. Omaĝante lian memoron en porokaza programero ni referencas al lia lasta letero al la redakcio, ni prezentas lian recenzon pri la ĉeĥa libro dediĉita al Peter Ginz, kaj ni rememorigas fragmente nian lastan antaŭmikrofonan interparolon el 2009. En la komenco de la 446-a E-elsendo ĉe www.pola-retradio.org ni informas pri la unuaj renkontiĝoj de la prezidento-elektito Andrzej Duda kun eksterlandaj politikistoj. Temoj el la pola gazetaro rilatas al butikumado de orientaj najbaroj en Pollando en 2014 kaj al aktuala demografia bildo de la lando. Sciencbultena informo rilatas al la kreiĝanta centro de protona terapio. La informoj de la novaĵbulteno kaj de la scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj.

Friday, June 5, 2015

La mortinta antaŭ pli ol 700 jaroj arkiepiskopo Jakub Świnka, kiu grave kontribuis al la altigo de la pola konscio estas la heroo de nia felietono pri koninda polo. Komence de la 445-a E-elendo ĉe www.pola-retradio.org ni prezentas kulturkronikan informon pri la identigita nur pasintjare originala desegnaĵo de Camille Pissarro en la Nacia Muzeo en Poznano. Post la felietono aŭdiĝas laŭvica kulturkronika informo pri preparoj al impona ekspozicio ligita kun pasonta venontjare 1050-a datreveno de la bapto de Pollando. E-informoj rilatas al distingo de pola esperantistino Halina Kuropatnicka-Salamon. La programon finas la leterkesta programero. Felietono kaj la kultur­kronikaj informoj estas paralele legeblaj kaj aŭskult­eblaj en la rubrikoj Novaĵoj kaj Felietonoj. En nia elsendo ni prezentas fragmente kanzonon de Ĵele el ŝia KD “Sentokaoso”.

Wednesday, June 3, 2015

La 25-a fragmento de la romano “Quo Vadis” de Henryk Sienkiewicz en la E-traduko de Lidia Zamenhof konsistigas la literaturan segmenton de la 444-a E-elsendo ĉe www.pola-retradio.org. Komence reference al la pasinta hieraŭ Internacia Infantago ni mencias pri polaj lernantoj, kiuj en la pola Sejmo kiel Sejmo de Infanoj kaj Junularo debatis pri la plej urĝe solvendaj problemoj de la lando. Pliaj aktualaĵoj rilatis al novaj busoj por Varsovio baldaŭ ektrafikontaj en la pola ĉefurbo, pri junia konkurso por la Arbo 2015 kaj pri vincentro, nova turisma allogaĵo kreiĝanta en la okcidenta Pollando. La scienctema informo referencas al malkovroj pri tio, kiel formiĝas la tn. ventra obezeco, tre danĝera por la sano. La informoj de la novaĵeldono kaj scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj.

Friday, May 29, 2015

Elbląg-kanalo, la hidroteknika miraklo, unu el la plej grandaj turismaj atrakciaĵoj de Pollando estas la temo de nia felietono pri Vizitinda Pollando en la 443-a E-elendo ĉe www.pola-retradio.org. En kultur­kroniko ni informas pri la plej nova sonorilego “Mieszko kaj Dobrawa” muldita omaĝe al la 1050-a datreveno de la bapto de Pollando. E-informoj rilatas al solenado de M60 en Jokohamo kaj funkcianta en la andaluzia Ejea de los Caballeros E-ekspozicio. Fine aŭdiĝas la leterkesta programero. Muzike ni memorigas la kanton de Nadia Figueiredo “La floraj violoj de la dezerto”. Aktualaĵoj, la kultur­kronika informo kaj  la felietono estas paralele legeblaj kaj aŭskult­eblaj en la rubrikoj Novaĵoj kaj Felietonoj.

Tuesday, May 26, 2015

En la antaŭmikrofona renkontiĝo kun Maciej Jaskot ni interparolas pri diferencoj en la konceptoj rilatantaj al la parolata lingvo. Ĉu sola kono de vortosignifoj egalas al reciproka interkompreno, kio estas lingvokodo? Unuvorte ni interparolas pri la lingvofenomenoj, kiujn ni ĉiutage frontas. Komence de la 442-a E-elsendo ĉe www.pola-retradio.org ni informas pri la rezultoj de la prezidentaj balotoj en Pollando, kiujn gajnis Andrzej Duda, pri la problemo de polaj 6-jaruloj, kiuj ekde la nova lernojaro devige frekventos lernejojn, pri la lingvoinstruado en la varmia vojevodio. Lingvolernado kiel cerbogimnastiko estas la temo de nia scienca bulteno. La informoj de la novaĵbulteno kaj de la scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj. Ankaŭ la interparolo kun nia antaŭmikrofona gasto aŭdiĝas aparte en la rubriko “Antaŭ la mikrofono”. Muzike akompanas nin hodiaŭ ĉina kantistio Ling Phang per la kanzono “Katjuŝka”.

Friday, May 22, 2015

Jaro Montevideo 60 en la E-gazetaro estas la temo de nia trarigardo en la 441-a E-elsendo ĉe www.pola-retradio.org. Ni donas la atenton al la francaj “Gazeto Esperanto” kaj “le monde de Esperanto”, la japana “La revuo Orienta” kaj la plej nova E-periodaĵo “Svisa Espero”. En la komenca kulturkroniko ni informas pri la entreprenitaj klopodoj, ke la loko Sankta Kruco en Pollando (pri kiu ni felietonis en aprilo) estu rekonita kiel historimonumento. La alia temo koncernas Pupteatran Festivalon en Bjalistoko, kiu okazos en junio 2015. E-informoj rilatas al la partopreno de UEA en la Monda Eduka Forumo en Koreio kaj planata Mezorienta Kunveno 2016. En la fino aŭdiĝas leterkesta programero. La kultur­kronikaj informoj kaj  la Trarigardo de la E-gazetaro estas samtempe legeblaj kaj aŭskult­eblaj en la rubrikoj Novaĵoj kaj Felietonoj.

Tuesday, May 19, 2015

La 440-a E-elsendo ĉe www.pola-retradio.org entenas la laŭvican fragmenton de la romano “Quo Vadis” de Henryk Sienkiewicz en la E-traduko de Lidia Zamenhof. En la komenca informa parto ni referencas al la ideo de la kvota dislokado de enmigrantoj venantaj al la suda Eŭropo en la unuopaj uniaj landoj. Ni informas pri la espero de kelkdeko da siriaj kristanaj familioj esperantaj trovi rifuĝejon en Pollando. La temo el la pola gazetaro rilatas al la enspezoj de polaj enmigrantoj en aliaj uniaj landoj. Ĉu la Interreto elĉerpos baldaŭ siajn eblojn? Pri tio ni informas en la Scienca Bulteno. La informoj de la novaĵeldono kaj scienca bulteno estas samtempe legeblaj kaj aŭskulteblaj en la rubrikoj Novaĵoj kaj Sciencaj Informoj. En la elsendo pri Elspezoj kantas Eterne Rima. Temas pri lanto el la KD La Rap’.

Saturday, May 16, 2015

Nia felietono pri koninda polo estas dediĉita al Władysław Bartoszewski, la mortinta fine de aprilo pola historiisto, diplomato, verkisto, ĵurnalisto, socia aganto, politikisto, diplomato, kiu i.a. troviĝis en la Honora Komitato de la Bjalistoka UK en 2009. Komence de la 439-a E-elsendo ĉe www.pola-retradio.org ni konfirmas, ke kiel la plej bela arkitektura konstruaĵo en Eŭropo en 2015 estis rekonita Filharmonio de Szczecin (la nordokcidenta Pollando), ni informas pri la virtuala Enciklopedio de la pola regiono Varmio kaj Mazurio en la nordorienta Pollando. Ni informas pri la sabata Nokto de Muzeoj. Dank’ al Rosa Lopez la E-temo enhavas raportan informon pri la Valencia kaj Hispana E-kongresoj okazintaj komence de majo. Fine aŭdiĝas tradicia Leterkesto. La kultur­kronikaj informoj kaj  la felietono estas samtempe legeblaj kaj aŭskult­eblaj en la rubrikoj Novaĵoj kaj Felietonoj. Per fragmento de la kanzono “Estu Feliĉaj” akompanas nin Jonny M. Temas pri kanzono el lia KD Regestilo, eldonita de Vinilkosmo.

Wednesday, May 13, 2015

La antaŭmikrofona gasto, Osmo Buller, la Ĝenerala Direktoro de UEA rakontas pri sia vizito en Vjetnamio, kiu ligiĝis kun la solenado de la 40a datreveno de la finiĝo de la vjetnama milito. En la komenco de la 438-a E-elsendo ĉe www.pola-retradio.org ni informas pri la rezultoj de la lastdimanĉaj prezidentaj balotoj en Pollando, pri raporto koncernanta la situacion de polaj grizaĝuloj. La scienca temo estas dediĉita al sciencaj esploroj pri la efikado de vifio je la viva organismo. La informoj de la novaĵbulteno kaj de la scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj. Ankaŭ la interparolo kun nia antaŭmikrofona gasto aŭdiĝas aparte en la rubriko “Antaŭ la mikrofono”. Muzike akompanas nin hodiaŭ “Tutmonda muziko” per sia kanzono “Ne paŝu for’”.

Monday, May 11, 2015

Nieborów kaj Arkadia estas la lokoj, al kiuj ni invitas per la nunsemajna felietono pri Vizitindaj Lokoj. Komence de la 437a E-elsendo el Varsovio ni referencas al la pasanta la 8an de majo 2015 70a datreveno de la finiĝo de la 2a mondmilito. Ĉi-tiun informon akompanas citaĵo el la kanto de Katarzyna Gaertner kaj Ernest Bryll „Revenos knaboj el milito…..”. En la kultur­kroniko ni informas pri la ĵus disponigita muzeo de Żaboklicki-vilao en la varsovia ZOO-ĝardeno, en kiu saviĝis dummilite ĉirkaŭ 100 judoj. Krome ni informas pri la venont­semajna festivalo de Wojciech Kilar en Gorzów. Ni citas el la komponaĵo de Kilar „Montarana danco”. Nia felietono pri vizitinda Pollando kondukas al Nieborów kaj Arkadia en la centra Pollando. Ne leterkesto, sed interparolo kun Michał Kozicki el Poznań-Universtato de Adam Mickiewicz finas la lastan ĉi-semajne E-elsendon. La kultur­kronikaj informoj kaj  la felietono estas samtempe legeblaj kaj aŭskult­eblaj en la rubrikoj Novaĵoj kaj Felietonoj.

Tuesday, May 5, 2015

Kun nia finna aŭskultanto Jorma Ahomäki ni interparolas pri kelkaj libroj de la eldonejo Kava-Pech, kiuj apartenas al liaj ŝatataj legaĵoj. Ni memorigas ĉe-okaze du slovakajn popolajn kantojn el la eldonita de Kava-Pech KD Kantoj de l’ Popolo – “Helruĝan pomon” kaj “Ho, acer’”. Komence de la 436 E-elsendo ĉe www.pola-retradio.org en novaĵoj ni informas pri la sepultaj solenaĵoj de Władysław Bartoszewski, pri du nunjaraj jubileoj en la pola Tatry-montaro, pri subakva hotelo kreiĝonta en la nordo de Pollando kaj sukceso de poloj en la kavalira turniro en Malbork. Temo el la pola gazetaro estas dediĉita al esploroj pri la elmigrado de junaj poloj. En scienca bulteno ni informas pri interesa eksperimento pri tio, ke kromdormo povas pozitive influi la memoron. La informoj de novaĵbulteno kaj de la scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj. Ankaŭ la interparolo kun nia antaŭmikrofona gasto aŭdiĝas aparte en la rubriko “Antaŭ la mikrofono”.

Saturday, May 2, 2015

Jan Danysz estas la heroo de nia felietono pri koninda polo. Komence de la 435-a E-elsendo ĉe www.pola-retradio.org aŭdiĝas kulturkroniko, en kiu ni informas pri impona ekspozicio de skulptaĵoj de Igor Mitoraj en Pietrasanta, Italio, pri ekspozicio de hispanaj desegnistoj en Krakovo kaj pri inaŭgurota venontmonate Silezia Muzeo en Katowice. Nia E-komunuma informo rilatas al la kultura evento Mazara 2015. Fine de la elsendo aŭdiĝas Leterkesto. Muzike akompanas nin la grupo Kaj Tiel Plu per fragmento de la kanto „La Violonisto” el la KD „Surplacen venu vi” eldonita de Vinilkosmo. Kulturkronikaj informoj kaj  la felietono estas samtempe legeblaj kaj aŭskulteblaj en la rubrikoj Novaĵoj kaj Felietonoj.

Wednesday, April 29, 2015

Reference al la 42-a Malferma Tago en Roterdamo ni prezentas sonscenon pri la Libroservaj Novaĵoj, kiujn prezentis dum ĝi Ionel Onet. Ĉe www.pola-retradio.org en la komenco de la 434-a E-elsendo el Varsovio ni referencas al la tragika tertremo en Nepalo kaj pola helpo al la damaĝitoj, ni informas pri la morto de Władysław Bartoszewski, i.a. distingita per Medalo de Toleremo fare de Zamenhof-Fondumo. Kroma informo rilatas al la finiĝonta morgaŭ omeĝekspozicio honore al 96 viktimoj de la aviadila katastrofo apud Smolensk antaŭ 5 jaroj. La temo el la pola gazetaro rilatas al dulingvaj lernejoj en la loko Kielce. En scienca bulteno ni konigas esplorojn pri la evoluiga rolo de laŭta tekstolegado al infanoj kaj pri la efiko de la basaj sonoj por estingi incendion. Muzike akompanas nin Amindaj per fragmento de sia kanto “Lasu la malĝojon flugi” el ilia KD eldonita en 2011 fare de Vinilkosmo. La informoj de la novaĵeldono kaj scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj. La sonsceno pri Libroservaj Aktualaĵoj estas aparte aŭskultebla en la rubriko “Antaŭ la mikrofono”.

Friday, April 24, 2015

Muzeoj de fervojo en Pollando estas ĉe www.pola-retradio.org la temo de nia felietono pri vizitinda Pollando. Tiu felietono estas interplektita per belaj kantofragmentoj de Kajto pri fervojo el ilia KD “Lokomotivo rulu nun” (Rulu nun, Antentu, Montaraj reloj, Ĉuk, ĉuk, ĉuk…, Fajfu, jen la vivo).  Komence de la 433-a E-elsendo en la kulturkroniko ni informas pri sukcesa restaŭro de ligna preĝejo de s-ta Anna en la loko Zaklików kaj pri la 10-jariĝo de la pola segmento de la pilgrimitinero de s-ta Jakobo. La E-media informo rilatas al la esperantigita teksto de LVB dediĉita al la kampanjo de Sanorganizo dediĉita al la inspektado kaj kontrolado de nutroĉeno. Rigardu la ligon: http://www.paivanetto.com.br/index.php/esp/artigo?cm=98864&cs=100&utm_source=Email&utm_medium=personal&utm_campaign=expansao.  Fine de la elsendo aŭdiĝas Leterkesto. Kulturkronikaj informoj kaj  la felietono estas samtempe legeblaj kaj aŭskulteblaj en la rubrikoj Novaĵoj kaj Felietonoj.

Friday, April 17, 2015

Pastro prelato Marceli Godlewski, kiu i.a. savis Wanda Zamenhof kaj ŝian filon el la varsovia getto estas la heroo de nia felietono el la ciklo konindaj poloj. Komence de la 431a E-elsendo (www.pola-retradio.org) en la kultur­kroniko ni informas pri impona pola ekspozicio en Pekino kaj pri laŭvica ekspozicio de Tamara Łempicka en Italio. Kadre de la E-movada segmento de la vendreda elsendo Paulo Sergio Viana el Brazilo raportas pri vigle renaskiĝ­antaj BEL-Konferencoj. Ni krome informas pri la lasta eldono de la Premio Cigno. Fine de la elsendo Flavio Fonseca memorigas la kanton Jam temp’ esta por verdera’ el la kunaŭtora KD prilaborita kun Geraldo Mattos “Simbiozo”. kultur­kronikaj informoj, ankaŭ la felietono estas samtempe legeblaj kaj aŭskult­eblaj en la rubrikoj Novaĵoj kaj Felietonoj.

Wednesday, April 15, 2015

La antaŭmikrofona gasto de la 430-a E-elsendo ĉe www.pola-retradio.org estas Claude Nourmont, havanta en la Lilla LKK multajn respondecojn, i.a. pri teatraj spektakloj. Pri ili, pri iuj planoj ligitaj kun prelegoj rilataj al Francio kaj ekspozicioj ni interparolas en la hodiaŭa renkontiĝo. Nia aktualaĵo el Pollando rilatas al kritikaj voĉoj pri la lastaj (2014) komunumaj balotoj antaŭdate de la nunjaraj prezidentaj kaj parlamentaj. En scienca bulteno ni donas la atenton al la kampanjo de WWF koncerne endanĝerigitajn baltikajn mamulojn el la ordo de cetacoj. Krome ni parolas pri esploroj rilataj al la kvanto de plasto en oceanoj. Muzike akompanas nin Ĵak Le Puil kantante pri “Maro kaj Klifo”. La kanzono devenas el lia lasta KD eldonita de Vinilkosmo “Sen elizi’”. Novaĵo, sciencaj informoj estas paralele legeblaj kaj aŭskulteblaj en la unuopaj rubrikoj de nia paĝo. Ankaŭ la interparolo kun Claude Nourmont pri la unuavice teatra oferto de la 100a UK estas aŭdebla aparte en la rubriko “Antaŭ la mikrofono”.

Saturday, April 11, 2015

En la 429-a E-elsendo ĉe www.pola-retradio.org ni proponas kadre de la felietonoj el la ciklo “Vizitinda Pollando” viziton sur la montopinto Sankta Kruco, de kiu deriviĝas la nomo de la tuta montoĉeno en la suda parto de la centra Pollando. La komenca kulturkroniko alportas informojn pri omaĝa monero dediĉita al papo Johano Paŭlo la 2-a kaj pri nova itinero en Hispanio Tereziana atendanta ankaŭ polojn. Antaŭ la kulturkroniko ni notas informe la 5-an datrevenon de la kraŝo de la pola registara aviadilo apud Smolensko, en kiu pereis 96 personoj. Nia E-informo rilatas al la aktivadoj de Hispana E-Federacio kadre de la Jaro M60 kaj ĝia kontakto kun Unesko-klubo en Madrido. Fine aŭdiĝas la leterkesta programero, en kiu ni i.a. notas la 2-jariĝon de nia redakcia retejo kaj dankas al la martaj subtenantoj. Fragmente ni memorigas la kanton “Ne forgesu min” en la plenumo de Mélanie Prin. La porokaza kaj kulturkronikaj informoj, ankaŭ la felietono estas samtempe legeblaj kaj aŭskulteblaj en la rubrikoj Novaĵoj kaj Felietonoj.

Wednesday, April 8, 2015

La 428-a E-elsendo ĉe www.pola-retradio.org entenas literaturan segmenton kun laŭvica fragmento de la romano “Quo Vadis” de Henryk Sienkiewicz en la E-traduko de Lidia Zamenhof. En informa parto ni parolas pri ekonomiaj sukcesoj de la pola mebloeksporto kaj de la firmao Zortrax. La scienca bulteno referencas al la esploroj pri ambiciaj unuenaskitaj infanoj kaj pri la kreskanta objektiva ĉarmo sekve de eldrinko de vinkaliko. En la hodiaŭa programo kanzonon proksiman al ĉies koro, kanzonon por patrino kantas Remigiusz Kossakowski. La informoj de la novaĵeldono kaj scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj.

Wednesday, April 1, 2015

La 31-an de marto finiĝas la 2-a favorpreza aliĝperiodo al la 100-a UK en Lillo. Kuntekste de tiu informo en la 426-a E-elsendo ĉe www.pola-retradio.org ni prezentas interparolon kun LKK-respondeculinoj pri ĝia ekskursa programo. Detaloj pri ekskursoj troviĝas en la paĝo: http://www.lve-esperanto.org/lille2015/eo/kongreso/programo/ekskursoj-tuttagaj.htm. Ili troviĝas ankaŭ en la 2-a Bulteno, sed ja estas tute aparte sprone aŭdi pri la preparlaboroj flanke de la respondeculoj mem Katja B. kaj Armelle P. La lasta Palma Dimanĉo inaŭguris la periodon de Granda aŭ Sankta Semajno. Niaj aktualaĵoj do rilatas al tiu temo kaj ni informas i.a. pri relative nova fenomeno, kiu estas Nokto de Pekkonfesejoj. Gilowice estis nur unu el la lokoj, kie lastdimanĉe okazis la rivalado por la plej belaj Paskaj Palmoj, lastlunde aliflanke okazis interesa koncerto, komence de aprilo aperonta surdiske “Popola Rekviemo”. Pasko ligiĝas kun multaj diversaj kutimoj tra la tuta Pollando, pri interesa ekspozicio “Pasko en Mazovio” en la proksima al Varsovio loko ni informos sekve. Nia scienca bulteno rilatas al la kreiĝanta histobanko en la loko Olsztyn (la nordorienta Pollando) kaj al interesaj esploroj pri komunikado de orangutanoj. Muzike akompanas nin kun gurdo Nikolin’ per sia kanzono pri Parizo. Novaĵinformoj kaj sciencaj temoj estas ankaŭ paralele legeblaj kaj aŭskulteblaj en la unuopaj rubrikoj de nia paĝo. Ankaŭ la interparolo kun LKK-respondeculinoj pri ekskursa programo estas aŭdebla aparte en la rubriko “Antaŭ la mikrofono”.

Sunday, March 29, 2015

En la 425-a E-elsendo ĉe www.pola-retradio.org ĉi-semajne ni proponas laŭvican legendon ligitan kun Varsovio, pri terura Bazyliszek, kies rigardo ŝtonigadis homojn. Komence en nia kulturkroniko ni informas pri la 2-a Festivalo de la Pasiona Muziko en Szcecin (la nordokcidenta Pollando), pri ekspozicio kaj aŭkcio de i.a. paskaj ovoj en Lodzo kaj pri la Paskolunda tradicio de pilgrimoj al Emaus nur por viroj. Muzike ni akompanas la informojn per fragmentoj de la Pasiona Lamentado, kiu en la varsovia preĝejo de Sankta Kruco estas praktikata dum Karesmo ekde 1704-a jaro. La E-komunumaj informoj rilatas al la nuna stato de UEA-membraro kaj la 15-a Printempa Renkontiĝo en Hanojo. La kulturkronikaj informoj kaj la legendo pri Bazyliszek estas paralele legeblaj kaj aŭskulteblaj en la rubrikoj Novaĵoj kaj Felietonoj.

Friday, March 27, 2015

En la 425-a E-elsendo ĉe www.pola-retradio.org ĉi-semajne ni proponas laŭvican legendon ligitan kun Varsovio, pri terura Bazyliszek, kies rigardo ŝtonigadis homojn. Komence en nia kulturkroniko ni informas pri la 2-a Festivalo de la Pasiona Muziko en Szcecin (la nordokcidenta Pollando), pri ekspozicio kaj aŭkcio de i.a. paskaj ovoj en Lodzo kaj pri la Paskolunda tradicio de pilgrimoj al Emaus nur por viroj. Muzike ni akompanas la informojn per fragmentoj de la Pasiona Lamentado, kiu en la varsovia preĝejo de Sankta Kruco estas praktikata dum Karesmo ekde 1704-a jaro. La E-komunumaj informoj rilatas al la nuna stato de UEA-membraro kaj la 15-a Printempa Renkontiĝo en Hanojo. La kulturkronikaj informoj kaj la legendo pri Bazyliszek estas paralele legeblaj kaj aŭskulteblaj en la rubrikoj Novaĵoj kaj Felietonoj.

Tuesday, March 24, 2015

En la 424-a E-elsendo ĉe www.pola-retradio.org ni denove proponas literaturan segmenton kaj en ĝi laŭvican fragmenton de la romano “Quo Vadis” de Henryk Sienkiewicz en la E-traduko de Lidia Zamenhof. En ampleksa informa parto eĥas mallonge lastaj eventoj sur la internacia areno (Britio rilate la islamistan minacon, Obama pri la eldiro de Netanjahu, Korea-ĉina-japana renkontiĝo en Seulo). Sekve ni informas pri defendopreteco de poloj, ilia malfavoro rilate enkondukon de la unia valuto kaj pri kresko de geedziĝoj en Pollando. Nia temo el la gazetaro samtempe rilatas al la sciencistaj esploroj pri la vora efiko de fremdaj specioj enkondukataj en novajn ekosistemojn infomante pri ĉi-rilataj leĝaj solvoj en Eŭropo. Tiun temon eblas samteme legi kaj aŭskulti en la rubriko Sciencaj Informoj. La informoj el la lando estas same paralele legeblaj kaj aŭskulteblaj en la rubriko Novaĵoj. En la hodiaŭa elsendo ni memorigas la kanton de Jacques Yvart “Geamantoj sur la verda benk’”el lia unua KD eldonita de Vinilkosmo.

Saturday, March 21, 2015

En la 423-a E-elsendo ĉe www.pola-retradio.org ni proponas felietonon el la ciklo pri konindaj poloj, 9-persona Ulm-familio, kiu per sia vivo pagis la klopodojn savi judojn kontraŭ certa germana ekstermo dum la 2-a mondmilito. La komenca kulturkroniko alportas informojn pri Krakovo kaj Vroclavo en la Pariza Librofoiro kaj pri nova centro de la japana sporto kaj kulturo en Lodzo. E-komunume ni referencas al la pasonta dimanĉe Monda Tago de Akvo kaj Esperantlingva mesaĝo tiuokaze de Ligo de Bona Volo: http://www.paivanetto.com/index.php/esp/artigo?cm=98816&cs=100&utm_source=Personal&utm_medium=email&utm_campaign=expansao. Ĉu nur du aŭ eble tri orienttimoranoj povos gasti dum la someraj E-eventoj en Eŭropo? Jen la sekva temo kaj fine informo pri la plej nova libro de HORI Jasuo el Japanio kun poemoj pri la lasta granda katastrofo en ĉi tiu lando. Fine aŭdiĝas Leterkesto. La kulturkronikaj informoj kaj la felietono estas paralele legeblaj kaj aŭskulteblaj en la rubrikoj Novaĵoj kaj Felietonoj. Printempon ni bonvenigas en la akompano de samtema kanzono de Miŝo Zdravev.

Wednesday, March 18, 2015

La lastaj numeroj de Esperantolehti, Norvega Esperantisto, Eŭropa Bulteno, Informilo por Interlingvistoj, Juna Amiko kaj Kontakto speguliĝas en la “Trarigardo de la E-Gazetaro” de la 422-a E-elsendo ĉe www.pola-retradio.org. En la komenca parto ni informas pri la rezolucio de la Parlamenta Asembleo de la Konsilio de Eŭropo pri persekutado de kristanoj en Eŭropo, pri studenta iniciato koncerne polan lingvon sen krudaĵoj kaj pri daŭranta Semajno de Cerbo. La temo el la pola gazetaro traktas statistikaĵojn pri kreskantaj memmortigoj en Pollando. La scienca bulteno klarigas, kio kaŭzas la kolorŝanĝon de kameleonoj. Muzike akompanas ni Grazia Barboni kantante el sia KD la E-italan version de la kanzono de De Andre “Amo alvenas, amo iras for’”. La informoj de la elsendo estas paralele legeblaj kaj aŭskult­eblaj en la rubrikoj “Novaĵoj” kaj “Sciencaj informoj”. Trarigardo de la E-gazetaro same en la rubriko “Felietonoj”.

Friday, March 13, 2015

En la 421-a E E-elsendo ĉe www.pola-retradio.org ni proponas kadre de la felietonoj el la ciklo “Vizitnda Pollando” viziton en la loko Uniejów en la centra Pollando. La komenca kulturoniko alportas informojn pri novaj restaŭraj laboroj en Krakovo kaj pri samurajaj kirasoj kreiĝantaj en Pollando. E-komunume ni referencas al la solenaĵo en la Universitato de Amsterdamo, dum kiu la estro de ĝia Katedro pri Interlingvistiko kaj Esperantoa, profesoro Federico Gobbo prezentis sian trilingvan inaŭguran paroladon. Ĝi estis registrita kaj estas libere konsultebla ĉe http://webcolleges.uva.nl/Mediasite/Play/07e441552184440382b6734a1551f4091d. Ni informas ankaŭ pri la aliĝostato al la 100-a UK en Lillo, kiu superis jam du mil personojn. Fine aŭdiĝas la leterkesta programero. La kulturkronikaj informoj kaj la felietono estas samtempe legeblaj kaj aŭskulteblaj en la rubrikoj Novaĵoj kaj Felietonoj.

Friday, March 6, 2015

La felietono en la 419-a E-elsendo ĉe www.pola-retradio.org estas dediĉita al elstara pola fiziologo, malkovrinto i.a. de adrealinto Nikodem Napoleon Cybulski. En la komenca kulturoniko ni informas pri la nomumo de la nova konstruaĵo de la Filharmonio en Szczecin inter aliaj arkitektura objektoj por la premio de Mies van der Rohe kaj pri interesa ekspozicio en la Muzeo en Włocławek, kiu al la vasta publiko prezentas siajn neceamikajn kolektaĵojn. Sekve ni prezentas interparolon kun Maciej Jaskot. Ĝia temo estis spronita de nia brazila aŭskultanto Leonardo rimarkinta, ke en flua esperantlingva konversacio enŝoviĝis vorto el la lingvo hispana. Maciek klarigas kaŭzojn de tiaj lingvaj misoj. Fine tradicie ni proponas Leterkeston, en kiu i.a. fregmente kantas La Perdita Generacio „Pluku ne la florojn”. La kulturkronikaj informoj kaj la felietono estas samtempe legeblaj kaj aŭskulteblaj en la rubrikoj Novaĵoj kaj Felietonoj.

Friday, February 27, 2015

Nia ĉi-semajna felietono “antaŭ­printempe 2015” traktas pri la vigliĝanta naturo en Pollando kaj revenantaj cikonioj. En la kulturoniko ni informas pri la reago de la Ĝenerala Unesko-direktoro, Irina Bokova je la barbarecaj kulturdetruoj en Mosulo, Irano; pri Honora Legio por la pola direktisto Antoni Wit kaj pri nova artgalerio en Krakovo. La E-movadaj informoj en la 417-a E-elsendo ĉe www.pola-retradio.org rilatas al serĉado de kandidatoj por la posteno de la Ĝenerala Direktoro de UEA kaj al organizata de ILEI 3-a Tutmonda Kolokvo pri Instruado. En la fino aŭdiĝas leterkestas programero. La kultur­kronikaj informoj kaj la felietono estas samtempe legeblaj kaj aŭskult­eblaj en la rubrikoj Novaĵoj kaj Felietonoj.

Friday, February 20, 2015

La komenca ĉefinformo de la 415-a E-elsendo ĉe www.pola-retradio.org estas la porokaza mesaĝo de la Ĝenerala Direktoro de Unesko, Irina Bokowa lige kun la sabata Tago de la Gepatra Lingvo. En la sekvanta kultura kroniko ni informas pri interesa ekspozicio en la sudorienta Pollando ligita kun la funkciantaj en la regiono vitrofandejoj, pri trezoro de antaŭ 3 kaj duona mil jaroj retrovita ankaŭ en la sama regiono. La omaĝobelisko al pola poeto Kazimierz Przerwa-Tetmajer [kazimjeŝ pŝerva-tetmajer] estas la okazo memorigi iun el liaj poeziaĵoj en la traduko de Antoni Grabowski. Per la nekrologa rememoro ni adiaŭas Honoran Membron de UEA kaj de la Kanada E-Asocio, Steven T. Norwall. Fine aŭdiĝas tradicia Leterkesto. La kulturkronikaj informoj estas samtempe legeblaj kaj aŭskult­eblaj en la rubrikoj Novaĵoj. Bonvolu uzi kaj diskonigi ĉi tiun servon unuavice inter lingvo­lernantoj, krome ankaŭ inter klubaj aŭ grupaj konatoj, kiuj ne havas ankoraŭ kuraĝon paroli Esperanton.

Wednesday, February 18, 2015

Flo Martorell estas la antaŭmikrofona gasto de la 414-a E-elsendo ĉe www.pola-retradio.org malkaŝante iun el la novaĵoj de la spektala programo de la 100-a UK en Lillo. Temas pri Malferma Artista Scenejo (MAS), kiu i.a. helpos prepari pli kvalitan Internacian Artan Vesperon (IAV). En la informa parto komence de la elsendo aŭdiĝas aktualaĵoj pri polaj junuloj elektantaj eksterlandajn studojn kaj pri Varsovio kaj Krakovo inter vizitindaj urboj de la mondo. En la pola gazetaro ni legis por vi pri prezo, kiun pagas la orientaj regionoj de Pollando pro elmigrado de poloj kaj pri sovaĝaj bestoj, kiuj ne sole estas admirindaj, sed kiuj kaŭzas ankaŭ gravajn perdojn por la mastrumado. Scienca bulteno traktas pri la vespertoj en ilia plej granda vintrumejo en la loko Międzyrzec kaj pri Siluro. Muzike ni elektis la kanton de Martin kaj La Talpoj, kiuj kantas sian kanton “Kie vi estas”, kiu troviĝas en ilia lasta KS “Superbazaro” eldonita de Vinilkosmo. Aktualaĵoj, sciencbultenaj informoj estas legeblaj aŭ aŭskulteblaj samtempe en la rubriko Novaĵoj. La interparolo kun Flo Martorell estas ankaŭ aparte aŭskultebla en la rubriko Antaŭ la mikrofono.

Sunday, February 15, 2015

Karolina Lanckoroński estas la ĉefheroo de la felietono pri koninda polo en la 413-a E-elsendo ĉe www.pola-retradio.org. En la komenca kulturoniko ni informas pri la 100-jara jubileo de la Nacia Filharmonio en Łódź kaj pri laŭvica pola urbo, Szczecin kies loĝantoj povas konatiĝi kun la bildo de Rembrandt “Mizerikorda Samaritano”. La E-movadaj informoj rilatas al la premio por prof. Federico Gobbo veninta el Seulo kaj al la impona radia reklamkampanjo pri Esperanto antaŭ nova studenta sesio en Hungario. Mallonga leterkesta renkontiĝo – en kiu aŭdiĝas fragmente la kanto de Kapriol’ “Jen forira moment’” el la KD eldonita pasintjare de Vinilkosmo – finas la elsendon. La kulturkronika informo kaj la felietono estas samtempe legeblaj kaj aŭskulteblaj en la rubrikoj Novaĵoj kaj Felietonoj.

Tuesday, February 10, 2015

La laŭvica fragmento de Quo Vadis de Henryk Sienkiewicz en la E-traduko de Lidia Zamenhof estas la ĉefa programero en la 412-a E-elsendo ĉe www.pola-retradio.org. En la komenca, informa parto ni alrigardas eventojn en la mondo apartan atenton donante al la debato „Pollando fronte al minacoj ligitaj kun islama radikalismo”, okazinta semajnfine en Varsovio. En la temo el la pola gazetaro ni referencas al la starpunkto de OECD pri klerigaj reformoj en Pollando. En la scienca bulteno ni donas atenton al la apartaj proprecoj de tibetaj anseroj flugantaj super Himalajo. Hodiaŭ muzike akompanas nin Ĵak Le Puil per la fragmente prezentata kanzono “Al virino” el lia KD Sen elizi’ eldonita pasintjare de Vinilkosmo. La informoj de la elsendo estas samtempe legeblaj kaj aŭskult­eblaj en la rubrikoj “Novaĵoj” kaj “Sciencaj informoj”.

Sunday, February 8, 2015

Per la nunsemajna felietono ni invitas al la loko en la sudokcidenta Pollando dum jarcentoj ligita kun la orminado t.e. la loko Złotoryja kaj la tiea orminejo Aurelia. En la komenco de la 411-a E-elsendo ĉe www.pola-retradio.org nia kultur­kronika informo rilatas al la bitigitaj kolektoj de la Universitata Biblioteko en Vroclavo nun disponig­itaj publike. La E-movada informo traktas la bezonojn de la kataluna Biblioteko-Arkivo Petro Nuez. Fine ni proponas renkontiĝon en la leterkesta programero, en kiu i.a. pri literaturaj elsendoj en nia programo ni interparolas kun nia hispana aŭskultanto Suso Moinhos. La kulturkronika informo kaj la felietono estas samtempe legeblaj kaj aŭskult­eblaj en la rubrikoj Novaĵoj kaj Felietonoj. Uzu kaj diskonigu ĉi tiun servon unuavice inter lingvo­lernantoj, krome ankaŭ inter klubaj aŭ grupaj konatoj, kiuj ne havas ankoraŭ kuraĝon paroli Esperanton.

Friday, February 6, 2015

En Pollando daŭras studenta ekzamena sesio. Tiukuntekste ni interparolas kun d-ro Maciej Jaskot, kiu estas ne sole universitata lekcianto, sed ankaŭ studento pri la ukraina lingvo. Komence en la 410-a E-elsendo ĉe www.pola-retradio.org en informa parto ni parolas pri la klopodoj de la nova greka registaro persisti sur la vojo de reformoj kaj atendoj pri tio de germanaj politikistoj. Ni notas la forpason de germana prezidento tre meritiĝinta por la pola-germana dialogo kaj ankaŭ la enpostenigon de la nova itala prezidento. Ekonomia informo rilatas al konstruata en Pollando ŝipo por universitato en Gotenburgo. Temoj el la pola gazetaro koncernas kreskon de pola eksporto al Svedio kaj laboremon de poloj semajnfine. Kion eblas ekscii analizante niajn ŝatosignojn en Facebook-profilo tion klarigas la scienc-teknika temo. En la programo akompanas nin la kanto de Feri Floro “Galopante”. Ekonomia aktualaĵo, scienca temo kaj interparolo aŭdiĝas krome ekster­elsende en unuopaj rubrikoj de nia paĝo. La tekstoj estas paralele legeblaj kaj aŭskult­eblaj.

Friday, January 30, 2015

La heroo de la nunsemajna felietono pri koninda polo estas Witold Pilecki, libervola malliberigito kaj organizanto de la rezistmovado en la germana koncentrejo Auschwitz dum la 2-a mondmilito (i.a. http://www.pilecki.ipn.gov.pl/). Komence de la 409-a E-elsendo ĉe www.pola-retradio.org aŭdiĝas kulturkroniko kun informoj pri la jubileo de la Muzika Akademio en Poznano kaj pri la kreiĝanta en Szczecin artgalerio de la eŭropa arto. Nia E-movada informo rilatas al la okazonta kadre de la UK en Lillo Esperantologia Konferenco, kiun organizas Orlando Raola. Fine ni proponas renkontiĝon en la leterkesta programero. La kulturkronikaj informoj kaj la felietono estas samtempe legeblaj kaj aŭskulteblaj en la rubrikoj Novaĵoj kaj Felietonoj. Uzu kaj diskonigu ĉi tiun servon unuavice inter viaj lingvolernantoj, krome ankaŭ inter viaj klubaj aŭ grupaj konatoj, kiuj ne havas ankoraŭ kuraĝon paroli Esperanton.

Tuesday, January 27, 2015

Joel Ericson el Svedio – juna sveda esperantisto, la unuafoja partoprenanto en la pola E-aranĝo – estas la antaŭmikrofona gasto de la 408-a E-elsendo ĉe www.pola-retradio.org. Niaj hodiaŭaj aktualaĵoj estas dupartaj. Komence aŭdiĝas mallongaj informoj pri la plej aktualaj eventoj, inter kiuj la datreveno de la liberigo de la germanaj koncentrejoj Auschwitz kaj Auschwitz-Birkenau okupas la ĉefan lokon. Sekve ni informas pri malfondo de la Silezia Societo kaj pri la plej granda pola karitata organizo Caritas Polska, kiu nunjare festas jubileon. Sciencbultena temo estas dediĉita al hormone aktivaj substancoj aldonataj al kosmetikaĵoj, medikamentoj, purigaj substancoj kaj pakumoj. Sub la siglo EDC ili estas konataj kiel substancoj perturbantaj hormonprocezojn. Porokaze ni prezentas fragmente kanton “Auschwitz”, kiun kantas Emanuele Rovere, same fragmente ni aŭskultas muzikon el la KD “Karma” de Jim Petit kaj kompreneble muzikas por ni ankaŭ Joel Ericson. Novaĵoj, scienca temo kaj interparolo aŭdiĝas krome eksterelsende en unuopaj rubrikoj de nia paĝo. La tekstoj estas paralele legeblaj kaj aŭskulteblaj.

Saturday, January 24, 2015

Ĉi-vendrede en la 407-a E-elsendo ĉe www.pola-retradio.org Jorma Ahomäki el Finnlando prezentas recenzon pri la aperinta en 2014 libro “Esploro kaj Dokumentado” de Ivo Lapenna, aperinta lige kun la 60-jariĝo de la unua Unesko-rezolucio pri Esperanto. Ni notas ankaŭ kun profunda bedaŭro la forpason de la elstara figuro de la nederlanda kaj universala E-movado kaj komunumo, Hans Bakker. En la komenca kulturkroniko ni referencas al la 70-jariĝo de la unua en la postmilita Pollando pupteatro kaj informas pri Vistulo. La plej granda pola rivero estos aŭtune la honora gasto de la Festivalo de Luaro en Francio. En la fino aŭdiĝas leterkesta programero. La kulturkronikaj informoj kaj recenzo estas paralele legeblaj kaj aŭskulteblaj en la rubrikoj Novaĵoj kaj Felietonoj. En la programo ni aŭdigas fragmente la muzikon el la KD-oj “Esperanto” kaj “Regestilo” de Jonny M.

Tuesday, January 20, 2015

La antaŭmikrofona gasto en la 406-a E-elsendo el Varsovio estas Babak Soriush el Irano, unu el la novaj studentoj de la Interlingistikaj Studoj en Poznano. Krome ĉe la adreso www.pola-retradio.org aŭdiĝas la 17-a fragmento de la romano “Quo Vadis” de Henryk Sienkiewicz en la E-traduko de Lidia Zamenhof. En la komenca informa parto ni superrigardas mallonge la lastajn eventojn en Pollando: vintrajn feriojn de lernantoj, finalon de la kantkonkurso pri la plej bona plenumo de la kristnaskaj kantoj, eksterlande – la semajnfinajn protestreagojn kontraŭ la francaj mokdesegnaĵoj pri Mahometo. Krome ni informas pri kreiĝanta en Pollando boato kun hibrida motoro, kaj pri tio, ke Pollando volas resti lando sen GMO. Nia sciencbultena temo traktas pri formikoj, el kiuj unu dekono havas komunajn radikojn. Muzike akompanas nin mallonge Anna Osmakowicz. Fragmente aŭdiĝas “Nova Jaro”, kanto de Martin kaj La Talpoj el ilia lasta KD eldonita de Vinilkosmo “Superbazaro”. Du novaĵoj, scienca temo kaj interparolo aŭdiĝas ankaŭ eksterelsende en unuopaj rubrikoj de nia paĝo. La tekstoj estas paralele legeblaj kaj aŭskulteblaj.

Friday, January 16, 2015

La Cisterciana Abatejo en Lubiąż (la sudokcidenta Pollando) estas laŭvica vizitinda loko, kun kiu konatiĝi viziti felietone ni invitas en la 405-a E-elsendo el Varsovio ĉe la adreso www.pola-retradio.org. Pliaj informoj pri la loko estas konsulteblaj ĉe: http://www.fundacjalubiaz.org.pl/galeriaa/. En la kulturkroniko ni informas pri daŭranta renovigado de franciskana biblioteko en Krakovo kaj pri muzeo kreiĝinta en la postindustria loko en Tarnów. Nia E-movada informo memorigas pri la proksimiĝanta limdato anonci kontribuojn por la nunjara eldono de IKU kadre de la jubilea UK en Lillo. Fine de la elsendo aŭdiĝas leterkesta forumo. La kulturkronikaj informoj kaj la la felietono estas paralele legeblaj kaj aŭskulteblaj en la rubrikoj Novaĵoj kaj Felietonoj.

Wednesday, January 14, 2015

La antaŭmikrofona gasto de la 404-a E-elsendo el Varsovio estas Pascal Dubourg Glatigny, kun kiu ni interparolas pri lia prelego dum la lasta ARKONES. Ĝi estis dediĉita al francaj koncentrejoj lige kun la aperinta en 2014 libro, kiu enhavas ankaŭ E-veftojn pro ĝia heroo, kiu estas Jaume Grau Casas. Komence ni referencas al polaj amaskomunikiloj rilate la lastajn eventojn en Francio. Krome ĉe www.pola-retradio.org aŭdiĝas informo pri komenciĝonta akadamia kunlaboro inter la pola kaj ĉeĥa altlernejoj pri studoj dediĉitaj al germanologio kaj la Centra Eŭropo. La temo de la scienca bulteno koncernas la kreiĝantan brumapon de Baltiko. La informo pri la altlerneja kunlaboro, scienca temo kaj la interparolo kun nia antaŭmikrofona gasto aŭdiĝas ankaŭ eksterelsende en unuopaj rubrikoj de nia paĝo. La tekstoj estas paralele legeblaj kaj aŭskulteblaj.

Friday, January 9, 2015

En 403-a E-elsendo ĉe www.pola-retradio.org nian felietonon pri koninda polo ni dediĉas al Jan Długosz, elstara pola historiisto, diplomato, patro de la polahistoriografio kaj heraldiko. La komenca kulturkroniko prezentas informojn pri du el polaj kulturcentroj multnombre vizititaj en 2014 kaj pri bitigo de la eksponaĵoj de la varsovia Nacia Muzeo. E-movade ni informas pri la forpaso de la eksa UEA-prezidanto Kep Enderby. Fine de la elsendo ni invitas al la leterkesta rendevuo. La kulturkronikaj informoj kaj la la felietono estas paralele legeblaj kaj aŭskulteblaj en la rubrikoj Novaĵoj kaj Felietonoj.

Wednesday, January 7, 2015

En la 402-a E-elsendo ĉe www.pola-retradio.org ni gastigas Roland Belkorpa, prezidanton de Junularo Esperantista Brita renkontitan en Poznano,  kun kiu ni interparolas pri lia vojo al Esperanto, al la E-komunumo kaj liaj aŭtoraj planoj. La 6-an de januaro en multaj landoj oni solenas Epifanion, ankaŭ ni en Pollando. Pri la relative nova kutimo tiuokaze, la publikaj Adorparadoj de la Tri Reĝoj ni rakontas komence. Sevas kultur­kronika informo pri nova kapelo en la salminejo en Wieliczka, dediĉita al Johano Paŭlo la 2-a. Scienca temo traktas interesajn planojn de Zoo-ĝardeno en Płock (la norda Pollando). Fine ni anoncas la publikigitajn rezultojn de la zagreba literatura konkurso, al kiu patronecas Ivo Ratković. El la kristnaska muzika repertuaro ni memorigas kantojn de la pola grupo “Muzilanoj” kaj de la nederlanda “Akordo”. La informoj de la elsendo estas aparte legeblaj kaj aŭskult­eblaj en la rubrikoj “Novaĵoj” kaj “Sciencaj informoj”. En la rubriko “Antaŭ la mikrofono” aŭdiĝas la interparolo kun nia antaŭ­mikrofona gasto.

Saturday, January 3, 2015

La jarŝanga festoperiodo estis/as la okazo por interŝanĝo de multaj bondeziroj Kristnaskaj kaj Novjaraj. Tiu temo dominas en nia Leterkesto, sed ĝojigas nin ankaŭ komentaj leteroj. Komence de la 401-a E-elsendo ĉe www.pola-retradio ni rerigardas, kiel la Novan Jaron 2015 bonvenigis poloj kaj ni informas, kio en la komenciĝanta jaro estos laŭ politologoj la plej grava en Pollando. Kio estas la plej grava por la E-komunumo kaj movado elstarigas prezidanto de UEA, Mark Fettes. Kun multaj citaĵoj ni prezentas lian mesaĝon, kies plena teksto kiel Gazetara Komuniko de UEA estas legebla ĉe www.uea.org. La festa periodo estas aparte ĉarma por infanoj. Multaj el Pollando sendube havos la eblecon pluĝui la etoson en la unusola en Pollando Muzeo de Ludiloj. Muzike akompanas nin bondezira kanto el la KD „Vinilkosmo kompil’ 2” kaj kanteto „Bela rideto” en la plenumo de la ensemblo Tintilo. La komencaj kaj kulturkronika informoj estas paralele legeblaj kaj aŭskult­eblaj ĉe nia paĝo en la rubrikoj Novaĵoj.